Gönguhópur Haust 2026

                                           Útivist • Hreyfing • Samvera

 

Haust 2026 – skráning hafin!

Langar þig að hreyfa þig, kynnast nýju fólki og njóta íslenskrar náttúru í góðum félagsskap?

Frá lok ágúst og fram í nóvember hittumst við vikulega í fjölbreyttum göngum um höfuðborgarsvæðið og nágrenni. Á dagskránni eru bæði notalegar kvöldgöngur og lengri dagsferðir þar sem við skoðum falleg svæði og fjöll. Heisóttar verða náttúruperlur á Reykjanesi, Hengilssvæðinu, í Hvalfirði, Þingvöllum og víðar.

Markmið hópsins er að sameina útivist, hreyfingu og góða samveru. Við leggjum áherslu á jákvætt og afslappað andrúmsloft þar sem allir geta notið þess að vera úti, hlaðið batteríin og upplifað nýjar gönguleiðir.

Við höfum undirbúið fjölbreytt úrval af áhugaverðum leiðum, en endanlegt val tekur mið af veðri, færð og aðstæðum hverju sinni. Hópurinn hentar þeim sem eru í ágætu gönguformi og hafa áhuga á reglulegri hreyfingu og útivist yfir haustið.

Dagskrá :
25. ágúst - 10. nóvember 2026
 

Þriðjudagar kl. 18
12 fjölbreyttar kvöldgöngur nær og fjær höfuðborgarsvæðinu
 

Laugardagar kl.9
4 dagsgöngur

• 12. sept

• 26. sept

• 10.okt

• 31.okt

 

Dagskráin tekur mið af hópnum, veðri og aðstæðum.

​Hægt er að kaupa staka göngu fyrir gesti sem eru í gönguformi.

​

Verð: 69.000

​Hægt að nýta styrki frá stéttarfélögum/vinnustöðum.

​
Leiðbeinendur verða Emelía Blöndal, Rakel G. Magnúsdóttir​ og fleiri fararstjórar.

​​