Dagsetening:

26.-30. mars 2025

Skíðaganga    er    ein    besta    og    skemmtilegasta    hreyfing    og    úivist    sem hægt    er   að hugsa sér   á    veturna. Við höfum sett upp nýjan og spennandi leiðangur á ferðaskíðum um norðanverðar     Strandir.   Ferðast     verður    milli     fjarða  um gamla  þjóðleið yfir Trékyllisheiði  á     ferðaskíðum (utanbrautargönguskíðum)    með    léttan    6-8    kg   bakpoka. 

Fyrstu og síðustu nóttina verðu gist   á hótel     Laugarhóli í  Bjarnarfirði í herbergjum    með     sérbaði. Hótelið  býður upp    á    flottan    íþróttasal    fyrir    teygjur/ jóga,    kósý    setustofu og  síðast en ekki síst  heita    sundlaug þar  sem frábært  er að slaka á eftir   daginn.  Einnig   verður gist  á hótel  Djúpuvík  og í gamla húsinu í Ófeigsfirði. 

Þessu ferð er ekki ætluð byrjendum. Hún er ekki tæknilega erfið en dagleiðirnar eru í lengri kanntinum.  

​

Sjá heimasíður hér:

https://www.laugarholl.is/

https://www.djupavik.is

​

Verð: 158.000 kr 

​

Innifalið:

• Leiðsögn

• Gisting í 4 nætur í 2ja til 3ja manna herbergjum (2 nætur með baði og 2 án sérbaðs) 

• 3 kvöldverðir

• 3 nesti 

• Skutl og farangursskutl

​

Ekki innifalið:

• Akstur í Bjarnafjörð

• Kvöldverður á komudegi

• Drykkir

​

Dagskrá:   

Dagur    1:    Bjarnafjörður    
Ekið     er     á     einkabílum     seinnipart     í     Bjarnafjörð     þar     sem     við     komum    okkur  fyrir     á     hótelinu.  Möguleiki    á    að    slaka    á    í    heitri   útisundlauginni. Undirbúningsfundur    kl    20:30.        

Kvöldverður    ekki    innifalinn.        

    
Dagur    2:    Bjarnafjörður    -    Djúpavík    
Skíðað    frá    hóteli    upp    á    Trékyllisheiði    og    niður    í    Djúpuvík    um    Kjósarhjalla   sem    er    gamla    þjóðleiðin  niður     í     Reykjafjörð.     Komið     á     hótel     Djúpuvík     þar     sem     okkar     bíður    heitur pottur að loknum teygjum ,    tveggja     rétta    kvöldverður    og    gisting    í    2ja    manna herbergjum.  

Skoðunarferð um gömlu síldarverksmiðjuna fyrir þá sem vilja.

22-23 km,    ganga, u.þ.b. 7 klst.   hækkun/lækkun      700    m  

 
Dagur    3:    Djúpavík    -    Ófeigsfjörður    

Eftir     morgunverð     fáum     við     skult     inn     í     botn     Reykjafjarðar,     þaðan     sem     við skíðum     upp    Reykjadalinn og    skinnum     upp     á     Búrfellsbrúnirnar. Þaðan er  ægifagurt     útsýni     yfir     öll     helstu     fjöll    Strandabyggðar    m.a.    Glissu    og Lambatind. Eftir stutt stopp verður haldið áfram fyrir Ingólfsfjörð, þaðan rennum við rólega niður eftir Húsánni til Ófeigsfjarðar. Við gætum þurft að taka af okkur skíðin  og ganga síðasta spölinn að húsunum. Ófeigsfjörður er opinn  af hafi og þar festir sjaldan snjó. Í húsinu er ekkert rafmang og það er  kynnt með rekavið upp á gamla mátann. Við munum upplifa gamla tímann, sem gerir þessa ferð ennþá meira spennandi.    
16 km, ganga 4-5 klst.   hækkun/lækkun   500    m        

Dagur    4:   Ófeigsfjörður  - Ísafjarðardjúp/Laugarás - Laugarhóll   
Eftir morgunverð og frágang höldum við upp með Húsánni. Síðan er stefnan tekin upp á Ófeigsfjarðarheiðina um gamla varðaða þjóðleið yfir í Ísafjarðardjúp. Við skíðum suður fyrir Drangajökul með útsýni til allra átta og áður en langt um líður lækkum við okkur niður í dal sem heitir Hraundalur. Ef heppnin er með okkur ættum við að fá frábært 12 km  rennsli niður allan dalinn að Laugarlandi  við norðanvert Ísafjarðardjúp.  Þaðan fáum við skutl yfir Steingrímsfjarðarheiði og yfir í Bjarnafjörð þar sem við gistum síðustu nóttina. 

Góðar teygjur, og heita laugin sjá svo til þess að við vöknum hress næsta dag eftir flottan kvöldverð.

32-34 km 700 m hækkun og lækkun.

​

Dagur 5:  Heimferð 

Eftir góðan morgunverð, mýkjum við okkur aðeins upp í lauginni áður en við kveðjumst og höldum heim á leið.